Shyǵys Qazaqstan oblysynda esirtki tasymalymen ainalysqan jalǵyzbasty ana ustaldy, dep habarlaidy "Ult aqparat".
ShQO Politsiia departamenti baspasóz qyzmetiniń málimetine súiensek, tártip saqshylary esirtki ainalymyna tosqaýyl qoiý maqsatynda arnaiy operatsiia júrgizdi. Petropavl qalasynan kelgen eki áiel Telegram messendjeri arqyly «jyldamdyq» jáne «mef» dep atalatyn júikege áser etetin zattardyń tasymalymen ainalysqan.
«Áielderdiń biri 8 jáne 6 jastaǵy eki bala tárbielep otyrǵan jalǵyzbasty ana. Ol óńir aýmaǵyna maýsym aiynda kelgen. Biraz ýaqyttan keiin onyń apaiy da qylmystyq iske aralasty.
Páterdi tintý barysynda 2 myńnan astam bir rettik doza, 700 gramm sintetika esirtki tárkilendi. Onyń «qara naryqtaǵy» baǵasy 11 mln teńgeden asady», - dedi departament bastyǵynyń orynbasary Talǵat Shaiahmetov.
Qazirgi ýaqytta kúdiktilerge qatysty QR QK-niń 296 jáne 297-baptary boiynsha sotqa deiingi tergeý amaldary júrgizilip jatyr.
