Shyǵys Qazaqstan oblysynda esirtki tasymalymen ainalysqan 21 jastaǵy qyz 10 jylǵa bas bostandyǵynan aiyryldy, dep habarlaidy "Ult aqparat".
ShQO-daǵy OV-156/1 mekemesi baspasóz qyzmetiniń málimetine súiensek, esirtki zattaryn ótkizý maqsatynda zańsyz daiyndaý, qaita óńdeý, satyp alý, saqtaý, tasymaldaý siiaqty qylmys jasaǵan qyzdar temir torǵa az túsip jatqan joq. Máselen, taiaýda osyndai zańsyz qadamǵa barǵan 21 jastaǵy qyz 10 jylǵa bas bostandyǵynan aiyrylǵan.
«Qazirgi ýaqytta jastardyń kóbi býkmekerlik kompaniialarda stavkalar qoiady. Jeńiske jetken saiyn, baýrai bastaidy. Birde úlken aqsha joǵalttym. Bul týraly ata-anama aitýǵa qoryqtym. Qala kóshelerin kezip júrip, úidiń qabyrǵasyna jabystyrylǵan habarlandyrýǵa kózim tústi. Onda «kýrer qajet, jumys kestesi aýyspaly, jalaqysy joǵary» dep tur eken. Qýanyp ketip, kórsetilgen nómirge qońyraý shaldym. Alaida jumystyń nege aparyp soǵaryn bilmegen edim. Túsingenim, sintetika esirtkin bir jerden ekinshi jerge aparýym kerek eken. Bar oiym, aqsha taýyp, qaryzymdy japqannan keiin jumystan shyǵý boldy», - deidi sottalǵan azamatsha.
Esirtki zattaryn salý kezinde ony politsiia qyzmetkerleri qolǵa túsirgen. QR QK-niń 297-bap 3-bóligi boiynsha aiyptalýshy 10 jyl merzimge bas bostandyǵynan aiyryldy.
