Shyǵys Qazaqstan oblysynyń politseileri «Jyldamdyq» atty esirtki zatyn tasymaldaýmen ainalysqan eki er adamdy qolǵa túsirdi, dep habarlaidy "Ult aqparat".
ShQO politsiia departamenti baspasóz qyzmetiniń málimetinshe, tártip saqshylary «Qarasora-2021» jedel-aldyn alý sharasy barysynda «Jyldamdyq» atty psihotroptyq zatty jetkizýshilerdi ustady.
«Óskemendegi Topolinaia rosha aýdanynda Qaraǵandy oblysynyń 25 jáne 23 jastaǵy eki turǵyny quryqtaldy. Olar tabys tabý maqsatynda qalaǵa psihotroptyq zattardy jetkizýmen ainalysqan. Ustalǵandardan barlyǵy 800-den astam doza tárkilendi. Onyń «qara naryqtaǵy» quny – 5 mln teńgeden asady», - dedi oblystyq politsiia departamentiniń bastyǵy Saǵat Mádiev.
Qazirgi ýaqytta kúdiktiler qamaýǵa alynǵan.
QR QK 297-baby 3-bóligine (asa iri mólsherde esirtki zattaryn zańsyz ótkizý) sáikes sotqa deiingi tergeý amaldary júrgizilýde.
Olar 15 jylǵa deiin bas bostandyǵynan aiyrylýy múmkin.
