Shyǵys Qazaqstan oblysynda politsiia qyzmetkerleri zańsyz aýlanǵan bir jarym tonnaǵa jýyq balyqty tárkiledi, dep habarlaidy "Ult aqparat".
ShQO Politsiia departamenti baspasóz qyzmetiniń málimetine súiensek, óńir boiynsha 16 sáýirden bastap «Ýyldyryq-2021» jedel aldyn alý sharasy júrgizilýde. Shara barysynda sý qoimalarynda baqylaý kúsheitilgen.
Tártip saqshylary Zaisan kóliniń jaǵasyndaǵy Qarsaqbai aýyly mańynda zańsyz balyq aýlaǵan er adamdy ustady. Onyń rezeńke qaiyǵynan tiisti qujattary joq 5 qap túrli balyq tabylǵan.
«Aqmektep aýylynyń 33 jastaǵy turǵynynan 51 keli kókserke, 4 keli shortan, 64 keli taban jáne 17 keli alabuǵa balyqtary tárkilendi. Osynyń saldarynan keltirilgen shyǵyn mólsheri 300 000 teńgeni qurady. Atalǵan fakti boiynsha QR QK-niń 335-baby 3-bóliginiń 2-tarmaǵyna sáikes sotqa deiingi tergeý amaldary júrgizilýde», - dedi ShQO PD bastyǵy Saǵat Mádiev.
Aita keteiik, «Ýyldyryq-2021» jedel aldyn alý sharasy bastalǵaly beri 239 reid ótkizilip, sonyń nátijesinde 235 quqyqbuzýshylyq anyqtaldy. 1400 keliden astam balyq tárkilengen. Memleketke keltirilgen zalaldyń jalpy somasy 1 700 000 teńgeni qurap otyr.
