Shyǵys Qazaqstan oblysynda birneshe jer úidiń aýlasyn sý basty, dep habarlaidy "Ult aqparat".
ShQO Tótenshe jaǵdailar departamenti baspasóz qyzmetiniń málimetine súiensek, óńir boiynsha sý tasqyny jaǵdaiy turaqty. Alaida Borodýliha aýdany men Ridder qalasynda qarǵyn sý jer úilerdiń aýlalaryn basýda.
«Oqiǵa ornynda jergilikti atqarýshy organ ókilderi men qutqarýshylar jumysy isteýde. Inertti materialy bar 400 ydys-qap tóseldi. Qazirgi ýaqytta Ridderdegi 5, Borodýlihadaǵy 1 úi aýlasyn sý basqan. Qarǵyn sýdy burý jumystary júrgizilgen soń úilerdiń aýmaǵynan sý sorylady», - dep habarlady vedomstvo ókilderi.
Osy jumystarǵa jergilikti atqarýshy organdar men qutqarýshylar, áskeri bólimderden barlyǵy 90 adam men 22 tehnika jumyldyrylǵan. Jaǵdaiǵa monitoring táýlik boiy júrgiziledi.
