Shyǵys Qazaqstan oblysy Shemonaiha aýdanynda birneshe ret jylqy urlaǵan 60-tan asqan qariia sottaldy, dep habarlaidy "Ult aqparat".
ShQO Qylmystyq atqarý júiesi departamentiniń baspasóz qyzmeti taratqan málimetke súiensek, er adam kóbinese qaraýsyz jaiylǵan maldy urlaýmen ainalysqan. Qylmysyn júzege asyrǵan soń maldy «GAZel» kóligine tiep, kórshi aýdandarǵa aparyp satyp otyrǵan.
Kúdikti eki ai boiy Shemonaiha aýdanynyń Zevakino jáne Mejovka aýyldarynda mal urlyǵymen ainalysqan. Búginde onyń aýyl turǵyndarynyń 3 jylqysyn urlap ketkeni anyqtaldy. Shyǵyn kólemi 1 mln teńgeden asyp otyr.
«Shemonaiha aýdandyq sotynyń úkimimen 62 jastaǵy aiyptalýshy QR Qylmystyq kodeksiniń 188-baby 3-bóliginiń 2-tarmaǵy boiynsha kináli dep tanylyp, 4 jyl 6 aiǵa bas bostandyǵynan shekteldi. Sonymen qatar ol jyl saiyn 100 saǵat májbúrli eńbekke tartylǵan», - deidi Óskemen qalalyq probatsiia qyzmetiniń bastyǵy Maqsat Manarbekov.
