Shyǵys Qazaqstan oblysynda bir kún ishinde 21 ret shóp órtendi, dep habarlaidy "Ult aqparat".
ShQO Tótenshe jaǵdailar departamenti baspasóz qyzmetiniń málimetine súiensek, ótken táýlikte óńirdegi Kúrshim, Úrjar, Zaisan jáne Tarbaǵatai aýdandarynda qurǵaq shóp órtenýiniń 21 jaǵdaiy tirkeldi.
«Qutqarýshylar orman jáne dala alqaptarynda órt qaýipsizdigin qamtamasyz etý maqsatynda turaqty monitoring júrgizýde. Qazirgi ýaqytta oblys boiynsha profilaktikalyq reidterge shyǵatyn mobildi toptar qurylyp jatyr. Olardyń mindeti – órttiń aldyn alý, azamattarǵa tilsiz jaýdyń qaýiptiligi týraly túsindirý», - dep habarlady vedomstvo ókilderi.
Osy rette, TJD mamandary óńir jurtshylyǵyn órt qaýipsizdigi erejelerin qatań saqtaýǵa shaqyrady. Órt shyqqan jaǵdaida dereý «101» nemese «112»nómirlerine habarlasý qajet.
