Shyǵys Qazaqstan oblysynda bir qańǵybas itti atýǵa 4 myń teńge jumsalady, dep habarlaidy QazAqparat.
Biyl óńirde qańǵybas janýarlardy aýlap, atýǵa 80 million teńge bólingen. ShQO Veterinariia basqarmasynyń málimetine súiensek, bir janýardy atýǵa 3 770 teńge jumsalady. Osy jyly 9 myńǵa jýyq qańǵybas it pen mysyq aýlanǵan.
«Birneshe ai buryn «Bridjit Bordo» zoofondynyń ókilderimen qańǵybas janýarlarmen kúresýdiń jańa ádisterin talqyladyq. Biz it pen mysyqty aýlaý, chipteý jáne zararsyzdandyrý týraly aitylǵan oimen kelisemiz. Bul qańǵybas janýarlardyń kóbeiýine tosqaýyl qoiýǵa kómektesedi», – dedi basqarma basshysy Ramil Saǵandyqov.
Qazirgi ýaqytta jańa zań jobasy úkimette qaralýda. Ramil Saǵandyqovtyń aitýynsha, zań 2022 jyldyń ortasynda kúshine enýi múmkin.
