Foto: 24.kz
Sot isi Óskemen qalasynyń qylmystyq ister jónindegi aýdanaralyq sotynda qaraldy, dep habarlaidy Ulan aýdandyq prokýratýrasy.
Shyǵys Qazaqstan oblysy Ulan aýdanynda balasyna aliment tólemei kelgen er adam sottaldy.
– Er adamǵa ótken jyly QR QK-niń 139-baby boiynsha aliment tóleýden jaltarǵany úshin bas bostandyǵynan shekteý jazasy kesilgen. Alaida onyń durys jolǵa túspegeni anyqtaldy. Jazasyn óteý kezinde ol birneshe ret belgilengen tártipti buzyp, sot júktegen mindetterdi oryndaýdan qasaqana jaltaryp, kámeletke tolmaǵan balasyna aliment tólemeýdi jalǵastyrǵan, – dep habarlady Ulan aýdandyq prokýratýrasynan.
Sot júktegen mindetterdi oryndamaǵany úshin sottalǵan azamat qalǵan jaza merzimin, iaǵni 1 jyl 4 aiyn túrmede ótkizedi.
