Shyǵys Qazaqstan oblysy Ridder qalasynda áieldiń kiimin kigen er adam shaǵyn nesie uiymyn tonap ketti, dep habarlaidy "Ult aqparat".
ShQO politsiia departamenti baspasóz qyzmetiniń málimetine súiensek, 21 naýryzda saǵat 11.30-da Ridder qalalyq politsiia bólimine habarlasqan shahar turǵyny mikroqarjy uiymy keńsesiniń tonalǵanyn aitqan.
Óz sózinde ol beitanys áiel adamnyń iri kólemdegi aqshany jymqyrǵanyn jetkizdi.
«Oqiǵa ornyna tártip saqshylary dereý kelip jetti. Jedel-izdestirý sharalary barysynda kriminaldyq politsiia bólimshesiniń qyzmetkerlerine jábirlenýshiler men kýágerler biraýyzdan urynyń qyz ekenin alǵa tartty. Alaida bir saǵattyń ishinde jedel ýákilder kúdikti er adamdy ustady. Bul - Ridder qalasynyń 45 jastaǵy turǵyny bolyp shyqty» delingen habarlamada.
Anyqtalǵandai, ol qaladaǵy bazarlardyń birinde ornalasqan paiyzsyz qaryz beretin mikroqarjy uiymynyń keńsesine shabýyl jasaýdy kópten beri josparlap júrgen.
Áielderge arnalǵan kapiýshony bar aq tústi kúrtkeni, óksheli aq etikti, uzyn parik pen qara sharf kigen erkek bet-álpetin jasyratyn meditsinalyq maska taǵyp aldy.
«Keńsege kirgen tonaýshy menedjerdi qarý tárizdi zatpen qorqytyp, iri kólemdegi qarajatty urlap ketken. Qazirgi ýaqytta atalǵan fakti boiynsha QR Qylmystyq Kodeksiniń 191-baby 2-bóligine sáikes sotqa deiingi tergeý amaldary júrgizilýde» delingen aqparatta.
