Shyǵys Qazaqstan oblysynda tehnikalyq qyzmet kórsetý stansasynyń jumysshysy klienttiń kóligin aidap ketip jol apatyna tústi, dep habarlaidy "Ult aqparat".
ShQO Politsiia departamenti baspasóz qyzmetiniń málimetine súiensek, 16 tamyzdan bastap óńir aýmaǵynda «Avtokólik» jedel aldyn alý sharasy júrgizilip jatyr. Mundaǵy maqsat – kólikterdi aidap áketý faktilerine tosqaýyl qoiý. Birneshe kún ishinde kriminaldyq politsiia qyzmetkerleri osyndai 8 qylmysty ashqan.
«Máselen, Altai qalasynyń turǵyny tehnikalyq qyzmet kórsetý stansasyna kóligin qaldyryp ketken. Alaida sol jerde jumys isteitin er adam kólikti aidap ketip, jol apatyna tústi. Politsiia qyzmetkerleri kúdiktini ustap, bólimshege jetkizgen. Qazirgi ýaqytta tergeý amaldary júrgizilýde», - dep habarlady vedomstvo ókilderi.
Kóp jaǵdaida qylmysqa júrgizýshilerdiń kólik kiltin beitanys adamdarǵa berýi, esikti durys jappai nemese kiltti salonda umytyp ketýi sebep bolýda.
