«Shyǵys» óńirlik qolbasshylyǵynyń áskeri bólimderiniń birinde jumys isteitin áskeri qyzmetshi efreitor Qýandyq Qanatov túngi saǵat 2-de janyp jatqan úidiń turǵyndaryn evakýatsiialaýǵa qatysty, dep habarlady QR Qorǵanys ministrliginiń baspasóz qyzmeti.
Órt bes qabatty turǵyn úidiń birinshi qabatynda shyǵyp, ekinshi qabatty da sharpyǵan.
Osy úide turatyn efreitor Q. Qanatov erlik tanytyp, qyzmeti barysynda órt qaýipsizdigi boiynsha alǵan biliktiliginiń arqasynda órt sóndirýge jáne órtke oranǵan ǵimarattan 15 adamdy alyp shyǵýǵa kómektesti. Ǵimarattan 79 adam, sonyń ishinde 20 bala evakýatsiialandy.
«Meniń ornymda kez kelgen adam solai isteýshi edi. Biz mundai jaǵdaida bir-birimizge kómektesip, abdyrap qalmaýymyz kerek. Daiyndyqtar kezinde jaralanǵan áriptesterimizdi urys alańynan evakýatsiialaitynbyz. Bul - meniń áskeri mindetim jáne azamattyq boryshym», - dedi Qýandyq Qanatov.
