Shyǵys Qazaqstanda áskeri qyzmetshiler sý tasqynyna qarsy jumystarǵa atsalysýda, dep habarlaidy "Ult aqparat" Shyǵys Qazaqstan oblysy Tótenshe jaǵdailar departamentiniń baspasóz qyzmetine silteme jasap.
Qaraǵandy oblysynan kelgen № 52859 áskeri bóliminiń jeke quramynan 50 adam jergilikti atqarýshy organdar men turǵyndarǵa qardy shyǵarý, aryqtar men sý ótkizý qubyrlaryn tazalaý jumystaryna belsendi kómek kórsetýde.
Olar Altai aýdanynda uzyndyǵy 53 metr muzdy kesti, 9 sý ótkizý qubyrlary men 3700 metr aryqty tazalady, inertti material salynǵan 720 qap tósedi, 15 úidiń aýlasy qar men muzdan tazadlandy. Jeke quram táýlik boiy Buqtyrma men Hamir ózenderindegi jergilikti toǵannyń sý deńgeiine monitoring júrgizýde.
Kókpekti aýdanynda 400 metr aryq tazalandy, 16 aýla men 15 sý qubyry tazalanyp, 48 metr muz kesildi, 2500 qap tóseldi.
Eske salatyn bolsaq áskeri qyzmteshiler Qazaqstan Respýblikasy Tótenshe jaǵdailar ministriniń nusqaýyna sáikes kelgen jáne sý tasqyny qaýipti aýdandarda ornalasty.
