Shyǵys Qazaqstan oblysynyń Tarbaǵatai aýdanynda jergilikti turǵyndar men Tótenshe jaǵdailar departamentiniń qyzmetkerleri beton plitalardyń arasynda qysylyp qalǵan alty jasar balany qutqardy, - dep habarlaidy Tengrinews.kz tilshisi TJD baspasóz qyzmetine silteme jasap.
Vedomstvo málimetinshe, oqiǵa Aqsýat aýylynda bolǵan. Kóshede oinap júrgen bala beton plitalardyń arasyna kirip keptelip qalǵan.
"Aldymen plitalardy bólshekteý úshin júk tiegish pen krandy shaqyramyz dedik. Alaida bala qatty jylaǵandyqtan júk tiegishke ýaqyt jumsamaiyq dep, 18-ÓSB júrgizýshisi Darhan Baiǵaliev pen "MÚ proekt" kásipornynyń sheberi Azamat Dúzkeev betonǵa jaqyndap qysylǵan balany alyp shyqty", - deidi ShQO TJD baspasóz qyzmeti.
Oqiǵa ornyna kelgen jedel járdem dárigerleriniń sózinshe, bala eshqandai jaraqat almaǵan.
Shyǵys Qazaqstan oblysy Tótenshe jaǵdailar departamentiniń qutqarýshylary ata-analardy balalaryna jaqsylap qaraýǵa shaqyrady.
