Shyǵys Qazaqstan turǵyndary men oblys qonaqtarynan Alakól kóline barmaýdy suraidy, dep habarlaidy "Ult aqparat" ShQO Taýarlar men kórsetiletin qyzmetterdiń sapasy men qaýipsizdigin baqylaý departamentine silteme jasap.
Mekemedegilerdiń aitýynsha, oblys pen Úrjar aýdanynda koronavirýs juqtyrǵandar sanynyń artýyna bailanysty aýdannyń memlekettik Bas sanitariia dárigeri karantin tártibin kúsheitip, Alakól jaǵasyna shekteý sharalaryn jariialaýǵa májbúr bolǵan.
Qazirgi ýaqytta Shyǵys Qazaqstan oblysy men Úrjar aýdanyndaǵy COVID-19 koronavirýs infektsiiasy jaǵdaiy kúrdeli, aýrýdyń eń joǵary kórsetkishi áli tirkelgen joq.
«Osyǵan bailanysty, turǵyndar, demalýshylar men qyzmetshilerdiń jappai koronavirýsqa shaldyǵýynyń aldyn alý úshin Úrjar aýdanynyń memlekettik bas sanitariia dárigeri 2020 jyldyń 22 shildesinde «Úrjar aýdanynyń turǵyndary arasynda koronavirýs infektsiiasynyń aldyn alý sharalary týraly» №7 qaýlyny qabyldady», -dep túsindirdi baspasóz qyzmetindegiler.
Eske sala ketsek, 2020 jyldyń 23 shildesinen Úrjar aýdanyndaǵy Alakól kóliniń týristik aimaǵynda turýǵa jáne demalýǵa tyiym salyndy. Jol jabylyp, Alakólge aparatyn tasjoldarda mobildi post qoiyldy. Ol jerdi politsiia qyzmetkerleri kún saiyn baqylaýǵa alǵan.
