شىعىس قازاقستان تۇرعىندارى مەن وبلىس قوناقتارىنان الاكٶل كٶلٸنە بارماۋدى سۇرايدى, دەپ حابارلايدى "ۇلت اقپارات" شقو تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنە سٸلتەمە جاساپ.
مەكەمەدەگٸلەردٸڭ ايتۋىنشا, وبلىس پەن ٷرجار اۋدانىندا كوروناۆيرۋس جۇقتىرعاندار سانىنىڭ ارتۋىنا بايلانىستى اۋداننىڭ مەملەكەتتٸك باس سانيتارييا دەرٸگەرٸ كارانتين تەرتٸبٸن كٷشەيتٸپ, الاكٶل جاعاسىنا شەكتەۋ شارالارىن جارييالاۋعا مەجبٷر بولعان.
قازٸرگٸ ۋاقىتتا شىعىس قازاقستان وبلىسى مەن ٷرجار اۋدانىنداعى COVID-19 كوروناۆيرۋس ينفەكتسيياسى جاعدايى كٷردەلٸ, اۋرۋدىڭ ەڭ جوعارى كٶرسەتكٸشٸ ەلٸ تٸركەلگەن جوق.
«وسىعان بايلانىستى, تۇرعىندار, دەمالۋشىلار مەن قىزمەتشٸلەردٸڭ جاپپاي كوروناۆيرۋسقا شالدىعۋىنىڭ الدىن الۋ ٷشٸن ٷرجار اۋدانىنىڭ مەملەكەتتٸك باس سانيتارييا دەرٸگەرٸ 2020 جىلدىڭ 22 شٸلدەسٸندە «ٷرجار اۋدانىنىڭ تۇرعىندارى اراسىندا كوروناۆيرۋس ينفەكتسيياسىنىڭ الدىن الۋ شارالارى تۋرالى» №7 قاۋلىنى قابىلدادى», -دەپ تٷسٸندٸردٸ باسپاسٶز قىزمەتٸندەگٸلەر.
ەسكە سالا كەتسەك, 2020 جىلدىڭ 23 شٸلدەسٸنەن ٷرجار اۋدانىنداعى الاكٶل كٶلٸنٸڭ تۋريستٸك ايماعىندا تۇرۋعا جەنە دەمالۋعا تىيىم سالىندى. جول جابىلىپ, الاكٶلگە اپاراتىن تاسجولداردا موبيلدٸ پوست قويىلدى. ول جەردٸ پوليتسييا قىزمەتكەرلەرٸ كٷن سايىن باقىلاۋعا العان.
