Shyǵys Qazaqstan oblysynda 1 sáýirdegi jaǵdai boiynsha 8653 adamǵa koronavirýsqa qarsy vaktsina salyndy, dep habarlaidy "Ult aqparat".
ShQO densaýlyq saqtaý basqarmasynyń málimetine súiensek, COVID-19 vaktsinasynyń birinshi komponentin 14 memlekettik qyzmetshi, sozylmaly aýrýy bar 157 adam, 403 muǵalim, quqyq qorǵaý organdarynyń 410 qyzmetkeri, 107 ýchaskelik politsei, meditsinalyq, áleýmettik jáne jabyq balalar mekemeleriniń 88 qyzmetkeri alǵan.
Al revaktsinatsiiadan 7282 meditsina qyzmetkeri ótti. Sondai-aq 3 stýdent pen 189 adamǵa vaktsina egilgen.
Alǵashqylardyń biri bolyp vaktsina alǵandardyń qatarynda №1 Samar orta mektebindegi aǵylshyn tili pániniń muǵalimi Anar Ahmadieva bar.
«Vaktsina saldyrýǵa óz erkimmen kelistim. Óitkeni jumysta kún saiyn kóp adammen bailanysta bolamyz. Koronavirýspen aýyrmaǵandyqtan, ózimdi, oqýshylarymdy jáne týystarymdy qaýipti dertten qorǵaý úshin vaktsina alýdy ózime mindet sanadym. WhatsApp-taǵy túrli ósek-aiańǵa qulaq aspai, reseilik áriptesterdiń sholýlaryn, vaktsinanyń quramyn, vaktsinatsiia erejelerin muqiiat zerttedim. Vaktsina egilgennen keiin dene qyzýym 39,2-ge deiin kóterildi. Dárigerlerdiń keńesimen paratsetamol iship edim, tańǵa jýyq temperatýram tústi», - deidi ol.
Anar Ahmadievanyń aitýynsha, vaktsinatsiia arqasynda karantin shekteýleri jeńildetilip, tezirek qalypty ómirge orala alamyz.
