Shyǵys Qazaqstan oblysy Borodýliha aýdanynda 59 jastaǵy er adamdy óltirgen kúdikti qolǵa tústi, dep habarlaidy QazAqparat.
ShQO politsiia departamenti baspasóz qyzmetiniń málimetine súiensek, qazan aiynyń basynda «102» jedel arnasyna belgisiz áiel habarlasty.
Óz sózinde ol Jańa Shúlbi aýyly kósheleriniń birindegi úiden zorlyqpen óltirilgen er adamnyń máiiti tabylǵanyn jetkizgen.
«Jedel-izdestirý sharalaryn júrgizgen tártip saqshylary kúdiktini ustady. Ol Borodýliha aýdanynyń 19 jastaǵy turǵyny bolyp shyqty. Jaýap alý barasynda er adam óz kinásin moiyndady», - dedi oblystyq PD bastyǵynyń orynbasary Talǵat Shaiahmetov.
Anyqtalǵandai, qaskói ishimdik ishý barysynda 59 jastaǵy jábirlenýshimen janjaldasyp, kúrekpen jáne qaishymen soqqyǵa jyqqan.
Qazirgi ýaqytta (QR QK-niń 99-baby 1-bóligine sáikes (adam óltirý) sotqa deiingi tergeý amaldary bastaldy.
Kúdikti 8 jyldan 15 jylǵa deiingi merzimge bas bostandyǵynan aiyrylýy múmkin.
