Shyǵys Qazaqstan oblysynda koronavirýsqa qarsy vaktsina egýdiń ekinshi kezeńi júrgizilýde, dep habarlaidy "Ult aqparat".
Vaktsinatsiianyń ekinshi kezeńi 4 naýryzda bastalǵan. Qazirgi ýaqytta 3114 adamǵa vaktsina egildi. Dárigerlerden keiin quqyq qorǵaý organdarynyń ókilderi, muǵalimder, memlekettik qyzmetshiler men jýrnalister egiledi. Búgingi tańda óńirge 10 myńnan astam doza jetkizilgen. 1 sáýirge deiin taǵy 11 200 doza satyp alý josparlanyp otyr.
Aimaq basshysy Danial Ahmetovtiń aitýynsha, táýligine virýs juqtyrý jaǵdailary 20-dan aspaidy. Jalpy pandemiia bastalǵaly beri Shyǵys Qazaqstan oblysynda 22 myńnan astam adam SOVID-19 infektsiiasyna shaldyqqan.
«Orynbasarym Shákárim Buqtuǵutovqa on kún ishinde tolyqtai vaktsinatsiiaǵa daiyndyq týraly, termokonteinerler men muzdatqyshtardyń sany jaily esep berýdi tapsyramyn. Sondai-aq jaǵdaidy taldap, kúzde tumaýǵa qarsy qansha vaktsina satyp alý kerektigin anyqtaý qajet», - dedi oblys ákimi.
Aita keteiik, immýndyq plazmany durys saqtaýdy qamtamasyz etý úshin Óskemen men Semei qalalaryndaǵy eki qan ortalyǵyna 20 muzdatqysh alynǵan.
