Shyǵys Qazaqstan oblysynda búgin saǵat 09:50-degi jaǵdai boiynsha 3 adamnyń koronavirýs juqtyryp alǵany málim boldy.
Qaýipti infektsiiany Semei qalasynyń eki turǵyny juqtyrǵan. Atap aitqanda, aýrýhadan tys jaǵdaida pnevmoniiamen aýyrǵan 1984 jylǵy áiel adamnan alynǵan skriningtik PTR testileý nátijesi onyń koronavirýsty juqtyrǵanyn kórsetti, dep habarlaidy Tótenshe jaǵdai rejimin qamtamasyz etý jónindegi Memlekettik komissiianyń Jedel shtaby.
Kelesi naýqas 1972 jylǵy áiel adam, onyń koronavirýs infektsiiasyn juqtyrǵany profilaktikalyq tekserý barysynda anyqtaldy.⠀
Virýsty juqtyrǵan úshinshi adam Óskemen qalasynyń 1949 jylǵy turǵyny. Algoritmge sáikes COVID-19-ǵa 21 sáýir kúni koronavirýs rastalǵan naýqaspen bailanysta bolǵan adam retinde tekserildi. PTR taldaý nátijesi bul áieldiń de virýs juqtyrǵanyn kórsetti.⠀
Qazirgi ýaqytta olar juqpaly aýrýlar statsionaryna oqshaýlanyp, qajetti em qabyldap jatyr. Olarmen bailanysta bolǵan azamattardy anyqtaý jáne oqshaýlaý boiynsha epidemiologiialyq tekserý sharalary kúsheitilip, qarqyndy túrde júrgizilýde.⠀
Aldyn ala málimetterge súiensek, úsh jańa jaǵdai boiynsha 6 oshaq anyqtalǵan. 33 bailanysta bolǵan adam tirkelgen. Onyń ishinde, jaqyn bailanys jasaǵandar sany - 18, bailanys jasaýy yqtimal jandar sany -15.⠀
Jalpy, oblys boiynsha koronavirýs juqtyrǵan - 15, jazylyp shyqqan 5 adam bar.
