Shyǵys Qazaqstan oblysynda 2020 jylǵy 1 qyrkúiekten 1 qazanǵa deiin 29 mektep oqýshysy koronavirýs juqtyrǵan.
Olardyń 13-i kezekshi synyptarda, qalǵan 16-sy qashyqtan oqidy, dep habarlaidy "Ult aqparat" tilshisi ShQO Taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmetine silteme jasap.
30 qyrkúiektegi sońǵy málimetter boiynsha 27 oqýshynyń 6-ýy emdelip shyǵyp, oqýdy jalǵastyrýda. 12 oqýshydan COVID-19 virýsy kúnde júrgiziletin tańerteńgi tekserý kezinde anyqtalǵan.
«ShQO aýmaǵynda koronavirýs oshaǵyna ainalǵan mektepterdegi kezekshi synyptardy qashyqtan oqytýǵa aýystyrý týraly qaýly shyǵaryldy. Qaýipti virýs anyqtalǵan barlyq mektepte epidemiiaǵa qarsy santiariialyq-dezinfektsiialyq sharalar júrgizildi», - dep túsindirdi baspasóz qyzmeti.
Oblystyq bilim basqarmasynyń málimetinshe oblysta191 757 oqýshy oqityn 647 mektep bar. Onyń ishinde 37 078 bala oqityn 376 (58,0%) mektep turaqty rejimde, 107 543 oqýshysy bar 271 mektep (42,0%) qashyqtyqtan jumys isteidi.
