Shyǵys Qazaqstan oblysynda 2100 oryndyq 3 mektep salynyp jatyr, dep habarlaidy "Ult aqparat".
Bul týraly ShQO ákimi Danial Ahmetov halyqqa esep berý barysynda aitty. Bilim berý salasynda oqýshylardy qashyqtan oqytýdy uiymdastyrý úshin 2020 jyly 34 myń birlik kompiýter satyp alynǵan. Oqýshylardyń jalpy kontingentiniń 90%-dan astamy internet jelisine qosylǵan, balalardyń 6%-y roýterlermen qamtamasyz etilgen.
«Ótken jyly úsh aýysymdy mektepter máselesi sheshildi. Abai aýdanynyń Qaraýyl aýylynda Nazarbaev Ziiatkerlik mektepteriniń standarttary boiynsha jabdyqtalǵan 300 oryndyq, Ahmer aýylynda 1000 oryndyq, Tarbaǵatai aýdanynyń Aqjar aýylynda 300 oryndyq internaty bar 600 oryndyq 3 jańa mektep ashyldy», - dedi aimaq basshysy.
Onyń aitýynsha, ótken jyly bilim berý nysandaryn jóndeýge 11 mlrd teńge baǵyttalǵan. Bul ótken jylmen salystyrǵanda 5 ese kóp. Jańa oqý jylyna qarai árbir ekinshi mektep jóndeldi. Oblystyń 320 mektebinde, 49 balabaqshada jáne 5 kolledjde jóndeý jumystary júrgizildi.
«Qazir Ridderde 600 oryndyq, Semei qalasynyń Shyǵys kentinde 1200 oryndyq jáne Semeidegi Stepnoi kentinde 300 oryndyq 3 mekteptiń qurylysy júrgizilýde», - dedi Danial Ahmetov.
