Shyǵys Qazaqstan oblysynda vaktsina pasportyn satýmen ainalysqan meditsina qyzmetkerleri ustaldy, QazAqparat.
ShQO Politsiia departamenti baspasóz qyzmetiniń málimetine súiensek, tártip saqshylary vaktsina pasportyn zańsyz daiyndap, satýmen ainalysqan bir top adamdy ustady. Búginde Óskemen qalasyndaǵy emhananyń eki dárigeri men deldal bolǵan 3 azamat kúdikke iligip otyr.
«Derekter bazasynda resmi tirkelgen bul meditsinalyq qujat úshin olar turǵyndardan 20 myń teńge jáne jeke kýáliktiń kóshirmesin suraǵan. Meditsinalyq mekemege barýdyń tipti qajetti bolmady. Deldaldardyń árqaisysy ózine 3 myń teńgeden alsa, qalǵan soma dárigerlerde qalyp otyrǵan. Tergeýshiler qansha adam vaktsina pasportyn osyndai jolmen alǵanyn anyqtap jatyr», - delingen aqparatta.
Meditsina qyzmetkerleri jalǵan vaktsina pasportyn 20 adamǵa ǵana jasaǵanyn aitýda. Alaida bul san áldeqaida kóp bolýy múmkin.
«QR QK-niń 385-babyna sáikes sotqa deiingi tergeý sheńberinde meditsina qyzmetkerleriniń jáne olarǵa kómek kórsetken adamdardyń is-áreketterine tiisti protsessýaldy baǵa beriledi. Qazirgi ýaqytta tergeý amaldary jalǵasýda. Vaktsina pasportyn zańsyz jolmen alǵan azamattardan jaýap alynýda», - dedi departament bastyǵynyń orynbasary Talǵat Shaiahmetov.
