Shyǵys Qazaqstan oblysynda 10 jyldan astam ýaqyt buryn adam óltirgen áiel ustaldy, dep habarlaidy QazAqparat.
ShQO Politsiia departamenti baspasóz qyzmetiniń málimetine súiensek, 2008 jyldyń sáýir aiynda «Aiagóz-Qaraǵandy» tasjolynyń boiynda 35 jastaǵy Aiagóz aýdany turǵynynyń máiiti tabylǵan. Asa aýyr qylmysty ashý boiynsha tergeý áreketteri nátije bermei, qylmyskerdi anyqtaý múmkin bolmady.
«Soǵan qaramastan politseiler izdeý jumystaryn toqtatqan joq. Nátijesinde, biylǵy qazan aiynda Ridder qalasynda turatyn 51 jastaǵy áiel ustaldy. Kúdikti jinalǵan dálelder men aiǵaqtardy kórgennen keiin birden qylmysyn moiyndady. Óz sózinde ol mundai qadamǵa súiiktisine degen qyzǵanyshtan barǵanyn jetkizdi. Er adam onyń kózinshe marqumǵa tym kóp kóńil bólgen. Buǵan ashýlanǵan áiel adam jábirlenýshini paltonyń belbeýimen qylqyndyryp óltirdi», - dedi departament bastyǵynyń orynbasary Talǵat Shaiahmetov.
Qazirgi ýaqytta kúdikti sot sanktsiiasymen qamaýǵa alyndy. Oǵan qatysty sotqa deiingi tergeý amaldary jalǵasýda. Áiel 20 jylǵa deiin nemese ómir boiy bas bostandyǵynan aiyrylýy múmkin.
