Shyǵys Qazaqstan oblysy Úrjar aýdanyna biyl áýe qatynasy toqtatyldy, dep habarlaidy "Ult aqparat".
19 sáýirden bastap áýejai aýqymdy rekonstrýktsiialaý jumystaryn júrgizý maqsatynda jabylady. Al Alakólge baratyn týrister úshin temirjol jáne avtobýs reisteriniń sany kóbeitilmek.
Aimaq basshysy Danial Ahmetov Úrjar aýdanyna jasaǵan jumys sapary barysynda áýe ailaǵyndaǵy jóndeý jumystarymen tanysty. Qazir ushý-qoný jolaǵyn rekonstrýktsiialaýmen bul baǵytta jumys tájiribesi bar kompaniia ainalysýda. Onyń aldyndaǵy merdiger ózine júktelgen mindetterdi durys oryndamaǵan bolatyn.
Áýe qatynasyn úzbeý úshin ýaqytsha qoný jolaǵyn salý usynyldy. Alaida onyń quny 5,6 milliard teńgeni qurap otyr. Bul qarajat qoldanystaǵy jolaqty jóndeýge jumsalyp otyrǵan somadan 1 milliard teńgege qymbat. Osy rette oblys ákimi memlekettik biýdjetten artyq shyǵyndy boldyrmaý qajettigin jetkizdi.
«Dúisenbiden bastap áýejai jabylady. Qurylys jumystary 3 aýysymda júrgiziledi. Nysan meniń jeke baqylaýymda. Eki aptadan keiin osynda taǵy kelip, qurylystyń qalai júrip jatqanyn tekseremin», - dedi Danial Ahmetov.
