Úkimet basshysynyń baspasóz qyzmeti Qazaqstannan zańsyz shyǵarylǵan aktivterdi qaitarý jumystarynyń aralyq nátijesi týraly aitty, - dep habarlaidy Tengrinews.kz.
Premer-ministrdiń baspasóz qyzmeti aqpanda Úkimet shetelden elge kapitaldy qaitarýdy yntalandyrý tetikterin ázirleý jónindegi komissiia qurǵanyn eske saldy.
"2019, 2020 jáne 2021 jyldardaǵy qarajattyń shyǵýyna taldaý júrgizildi. Salyq organdarynyń jumys nátijeleri QMA-ǵa berildi. 56 tulǵaǵa qatysty 440 milliard teńgege jýyq qarajatty shyǵarý faktisi boiynsha qylmystyq is qozǵaldy. 12 milliard teńgege qosymsha salyqtar esepteldi, salyq boiynsha 29 tekserý júrgizilip jatyr. 271 milliard teńgeniń operatsiialary qarastyrylyp jatyr", - delingen habarlamada.
Komissiia jumysy sheńberinde zańdarǵa túzetýler ázirlengen.
"Elge kapitaldy qaitarýdy yntalandyrý maqsatynda valiýtalyq túsimderdiń 80 paiyzyn aiyrbastaý shartymen qaitarýǵa usynylǵan QQS somalaryn ońailatylǵan qaitarý qarastyrylǵan. Memlekettik kirister organdaryna valiýtalyq baqylaý fýnktsiialaryn berý máseleleri pysyqtalyp jatyr", - dep qorytyndylady Úkimet ókilderi.
