Shetelge shyǵatyn qazaqstandyqtar Dúniejúzilik densaýlyq saqtaý uiymy maquldaǵan vaktsinalardy ektire alady. Sanitarlyq-epidemiologiialyq baqylaý komitetiniń resmi ókili Erjan Baitanaev atalmysh sanatqa qandai azamattar kiretinin aitty, dep habarlaidy QazAqparat.
«Qazirgi tańda QR bas sanitar dárigeriniń 2022 jylǵy 13 qańtardaǵy №2 qaýlysyna sáikes, jekelegen jaǵdailarda vedomstvoaralyq komissiianyń sheshimi boiynsha Dúniejúzilik densaýlyq saqtaý uiymy maquldaǵan vaktsinalarmen koronavirýs infektsiiasyna qarsy vaktsinatsiianyń tolyq kýrsyn qaita ótýge múmkindik beriledi», - dep túsindirdi Erjan Baitanaev.
Aitýynsha, mundai múmkindik berilgen azamattar qai sanatqa jatatynyna bailanysty, túrli talaptardy oryndaýy qajet.
Sonymen, DDU tirkeýinen ótken vaktsinalardy myna sanattaǵy azamattar qosymsha qabyldai alady:
Halyqaralyq deńgeide Qazaqstannyń atynan áreket etetin tulǵalar;
úkimetaralyq kelisimder, men sharttar aiasynda, onyń ishinde akademiialyq utqyrlyq sheńberinde shetelde oqityn stýdentter jáne olardyń otbasy músheleri;
shetelge emdelýge jiberilgen naýqastar men olardy emdeýge ertip júretin adamdar.
Qajetti qujattar:
Ártúrli sebeptermen shetelge shyǵýy qajet bolǵan tulǵalar tiisti vedomstvoǵa sapar sebebin rastaityn qujatyn usynýy qajet.
Mysaly, shetelde bilim alýshylar QR Bilim jáne ǵylym ministrligine rastaýshy qujat usynady; Shetelde emdelýge muqtaj naýqastar turǵylyqty jeri boiynsha meditsinalyq uiymǵa nemese aýmaqtyq densaýlyq saqtaý basqarmasyna qujat ótkizedi.
Stýdentter úshin:
QR Bilim jáne ǵylym ministrligimen birge ázirlengen is-qimyl algoritmi boiynsha:
«Bolashaq» halyqaralyq stipendiiasynyń iegerleri jáne úkimetaralyq kelisimder men sharttardyń, onyń ishinde akademiialyq utqyrlyq sheńberinde shetelge oqýǵa jiberiletin adamdar, sheteldik oqý oryndaryna óz betimen túsken jáne úkimetaralyq kelisimder men akademiialyq utqyrlyq sheńberinde bilim alatyn stýdentter, Work and travel baǵdarlamasy boiynsha shetelge shyǵýdy josparlaǵan stýdentter men olardyń otbasy músheleri QR Bilim jáne ǵylym ministrligine jazbasha ótinish beredi;
Sol ótinishter negizinde ministrlik tizim jasap, QR Densaýlyq saqtaý ministrligine joldaidy;
Densaýlyq saqtaý ministrligi bul tizimderdi meditsinalyq uiymdarda vaktsinatsiialaýdy odan ári uiymdastyrý úshin óńirlerdiń densaýlyq saqtaý basqarmalaryna jiberedi;
Meditsinalyq uiymdar stýdentterdi vaktsinatsiialaýdyń tolyq kýrsyn qaitalap júrgizedi, de, tizimderdi aqparattyq júiege málimetter engizý úshin Respýblikalyq elektrondyq densaýlyq saqtaý ortalyǵyna (REDSO) beredi;
Koronavirýs infektsiiasyna qarsy vaktsinatsiialaýdyń tolyq kýrsyn qaitadan aiaqtaǵannan keiin jáne ekpe alǵany týraly derekterdi aqparattyq júiege eGov mobildik qosymshasynda engizgennen keiin stýdentterdiń atyna elektrondyq vaktsinatsiia pasporty men qaǵaz nusqadaǵy vaktsinatsiia týraly anyqtama toltyrylady.
Shetelde emdelýshiler úshin:
Shetelge emdelýge jiberilgender men olardy ertip júretin adamdar meditsinalyq uiymǵa Qazaqstannan tys jerde emdelý qajettiligin rastaityn qujat usynýy qajet. Osy qujattardyń negizinde meditsina qyzmetkeri DDU maquldaǵan vaktsinamen Koronavirýs infektsiiasyna qarsy vaktsinatsiialaýdy júrgizedi jáne derekterdi aqparattyq júiege engizedi.
KVI-ge qarsy vaktsinatsiialaýdyń tolyq kýrsyn qaitadan aiaqtaǵannan keiin eGov mobildik qosymshasynda emdelýshi men onyń saparlasynyń atyna vaktsinatsiianyń elektrondyq pasporty men qaǵaz nusqadaǵy vaktsinatsiia týraly anyqtama toltyrylady.
Qazaqstannyń ókili retinde áreket etetin tulǵalar úshin:
Halyqaralyq deńgeide Qazaqstannyń atynan áreket etý úshin shetelge shyǵatyn adamdar tiisti vedomstvoǵa nemese memlekettik organǵa (Bilim jáne ǵylym ministrligi, Mádeniet jáne sport ministrligi jáne basqa da ministrlikter) júginýi qajet. Ol organ máseleni vedomstvoaralyq komissiianyń (Qazaqstan Respýblikasynyń aýmaǵynda koronavirýs infektsiiasynyń taralýyn boldyrmaý jónindegi vedomstvoaralyq komissiia) qaraýyna shyǵarady.
QR Densaýlyq saqtaý ministrligi atalǵan vedomstvoaralyq komissiia hattamasynyń negizinde KVI-ge qarsy vaktsinatsiialaýǵa jatatyn adamdardyń tizimin shetelge shyǵatyn adamdardy vaktsinatsiialaýdy uiymdastyrý úshin aýmaqtyq densaýlyq saqtaý basqarmalaryna jiberedi.
Meditsinalyq uiymdar álgi tizimdegi adamdarǵa vaktsinatsiialaýdyń tolyq kýrsyn qaitalap júrgizedi jáne málimetterin aqparattyq júiege engizedi. KVI-ge qarsy vaktsinatsiialaýdyń tolyq kýrsyn qaitadan aiaqtaǵannan keiin eGov mobildik qosymshasynda atalǵan adamdardyń atyna vaktsinatsiianyń elektrondyq pasporty men qaǵaz nusqadaǵy vaktsinatsiia týraly anyqtama toltyrylady.
Qazaqstandyqtar shetelge shyǵý úshin DDU maquldaǵan vaktsinalardyń myna túrlerin qabyldai alady:
«VeroCell», inaktivtendirilgen «Sinopharm».
«VeroCell»-di:
koronavirýsqa qarsy alǵash ret ekpe alyp turǵan qazaqstandyqtardyń bári saldyra alady;
al qaitadan vaktsinalatsiialaý kýrsyna (1 jáne 2 doza) joǵaryda atalǵan sanattaǵy shet elderge shyǵatyn qazaqstandyqtar paidalana alady.
«VeroCell» eki dozaly vaktsina. Shetelge shyǵý úshin 21 kúnnen keiin eki komponentti alý kerek. Densaýlyq saqtaý ministrligi ár eldiń óz talaptary bar ekenin eskertti. Mysaly, ekinshi komponentten keiin belgili bir kezeńdi kútý qajet degen siiaqty talaptar qoiylýy múmkin.
