149 sheteldik Qazaqstan aýmaǵynan májbúrli túrde shyǵaryldy. Bul týraly QR IIM Kóshi-qon qyzmetiniń erekshe tapsyrmalar jónindegi aǵa inspektory Baýyrjan Omarov málim etti, dep habarlaidy QazAqparat.
«Politsiia qyzmetkerleri jyldyń basynan beri elden shyǵarý týraly sot sheshimin oryndaýdan jaltaryp júrgen 149 sheteldikti anyqtady. Olar elden májbúrlep qýyldy. Elden shyǵarýǵa jumsalǵan qarajat sot tártibimen sheteldikti shaqyrǵan nemese onyń eńbegin paidalanǵan tulǵaǵa politsiianyń shaǵymymen óndirip alynady. Operatsiia ótkizilgen ýaqytta májbúrlep shyǵarýǵa jumsalǵan shamamen 1 mln teńge óndirip alyndy», - dedi ol Ishki ister ministrliginde ótken brifing barysynda.
Onyń atap ótýinshe, kóshi-qon ahýalyna júrgizilgen saraptama sheteldikterdiń elimizdiń aýmaǵyna zańdy túrde keletinin kórsetken.
«Alaida, kei jaǵdaida kóshi-qon zańnamasyn buzýshylar qataryna aýysyp ketedi. Buǵan kóp jaǵdaida Qazaqstan azamattarynyń ózderi kómektesip jatady. Zańbuzýshylyqtardyń basym bóligi - sheteldikterdi ruqsat qujatyn almastan jumysqa tartýǵa bailanysty», - dedi Baýyrjan Omarov.
