Qazaqstannyń investitsiialyq jáne týristik tartymdylyǵyn arttyrý – Prezident Qasym-Jomart Toqaev qoiǵan strategiialyq mindetterdiń biri. Osyǵan bailanysty IIM kóshi-qon qyzmetin jeńildetý jáne kórsetiletin memlekettik qyzmetterdi jedeldetý jumystaryn júrgizip jatyr, dep habarlaidy QR IIM baspasóz qyzmeti.
Elge kirýge arnalǵan shaqyrýdy rásimdeý - Ishki ister minitrligi kórsetetin eń suranysqa ie qyzmetterdiń biri. Qazaqstanǵa kelgisi keletin sheteldikter qujat jinap, Qazaqstan elshiligine jeke kelip, jaýabyn kútýi kerek jáne ol 30 kún, tipti odan da uzaqqa sozylyp ketetin.
Endi bul qyzmetti úiden shyqpai www.vmp.gov.kz portalynan 5 kún ishinde alýǵa bolady.
Portalda shaqyrýdy rásimdep jatqan sheteldikke mynalar qajet:
- ótinimdi toltyryp, sheteldiktiń málimetterin engizý,
- elektrondy úkimet tólem shliýzi arqyly memlekettik salyqty tóleý (ár shaqyrylǵan azamatqa 0,5 AEK),
5 jumys kúni ótkennen keiin ótinim berýshiniń jeke kabinetine shaqyrýdyń 10 tańbaly tirkeý nómiri keledi, ony sheteldik azamatqa habarlaý kerek.
- sheteldik azamat shaqyrý-kóshi-qon portalynda ótinimdi toltyrady. 15 minýt ótkennen keiin sheteldik azamat elektrondy vizaǵa ie bolady, ol:
- vizany qaǵazǵa shyǵaryp, Qazaqstan shekarasynda pasporttyq tekseristen ótý kezinde Shekara qyzmeti qyzmetshilerine kórsetýi kerek.
Qazir sheteldikterdi elektrondy shaqyrý qyzmeti Qazaqstanǵa jumys babymen keletin adamdarǵa «V1», «V2» jáne «V3» bir rettik vizasyn, jeke maqsatpen kelgenderge «V10» sanatty viza jasaýǵa bolady.
Elektrondy viza arqyly Nur-Sultan jáne Almaty qalalaryndaǵy halyqaralyq áýejailardan ótýge bolady. Qazaqstan Respýblikasynyń shekarasynan mundai tártippen ótkizýdi basqa qalalarda 2020 jyldyń ishinde engizý josparlanyp otyr.
