Elimizde sheteldikterdiń qatysýymen 63 mlrd dollardyń jobasy iske asyrylyp jatyr. Bul týraly «Halyqaralyq qatynastardyń qazirgi zamanǵy júiesindegi Qazaqstan Respýblikasy» atty halyqaralyq konferentsiia barysynda QR Syrtqy ister ministri Muhtar Tileýberdi aitty, dep habarlaidy QazAqparat.
«Ekonomikalyq diplomatiiaǵa jáne sheteldik investitsiiany tartý jónindegi memlekettik saiasatqa erekshe kóńil bólemiz. 30 jyl ishinde elimizdiń ekonomikasyna 380 milliard dollardan astam tikelei sheteldik investitsiia tartýǵa qol jetkizip, investorlar úshin óńirlik habqa ainaldyq. 2021 jyldyń qorytyndysynda 6 myńnan astam jumys orny qurylǵan, jalpy somasy 3,67 milliard dollarǵa sheteldikterdiń qatysýmen 44 investitsiialyq joba paidalanýǵa berildi. Qazir KAZAKH INVEST-pen birlese otyryp, 63 milliard dollar somasyna sheteldikterdiń qatysýymen 450 joba boiynsha jumys júrgizilýde», - dedi ministr.
Onyń atap ótýinshe, halyqaralyq investitsiialar úshin básekelestiktiń kúsheiýi jaǵdaiynda eldiń investitsiialyq tartymdylyǵyn arttyrý boiynsha júieli sharalar qabyldap jatyr.
«Ótken aptada ǵana Úkimet elimizdiń 2026 jylǵa deiingi investitsiialyq saiasatynyń jańa tujyrymdamasyn bekitti. Qujat qosylǵan quny joǵary taýarlardy básekege qabiletti óndirýge baǵyttalǵan investitsiialardyń qurylymyn ózgertý boiynsha sharalar keshenin júzege asyrýdy kózdeidi», - dedi Muhtar Tileýberdi.
