QR Bas prokýratýrasy 38 birlesken kásiporyndy tekserip, 6,5 mln teńge aiyppul salǵan. Bul týraly Ortalyq kommýnikatsiialar qyzmetinde ótken brifingte qoǵamdyq múddeni qorǵaý qyzmetiniń bastyǵy Saparbek Nurpeiisov aitty.
«Bul másele jii kóterilip keledi. Onyń ishinde birikken kásiporyndarǵa bailanysty. Ótinishterdi tyńdasaq, bizdiń azamattardyń quqyǵy buzylyp, jalaqy kólemi shetel azamattarymen salystyrǵanda 2-2,5 ese tómen ekeni jii aitylady. Osyǵan bailanysty QR Eńbek jáne halyqty áleýmettik qorǵaý ministrligi Bas prokýratýraǵa usynys jasaǵan soń biz ony qoldadyq. 60-qa jýyq kásiporyndy belgilep aldyq. Búgingi kúni 38 kásiporynǵa qatysty tekserý aiaqtaldy. Sonyń nátijesinde 460-tan astam eńbek zańdylyǵyn buzý faktilerin anyqtadyq. Onyń ishinde ruqsatqa sáikes emes jumystardy atqarý boiynsha 150-ge tarta fakt anyqtaldy», - degen Bas prokýratýra ókili jumysshylaryn alalaityn kásiporyndarǵa toqtaldy.
«Almaty oblysynda «Siti Konstakshn» degen sheteldik kásiporyn bar. Ol jerde azamattarǵa jalaqydan bólek syiaqy beriledi. Shetel azamattary 750 myń teńge alatyn bolsa, bizdiń azamattar 2,5 ese tómen alyp kelgen. Biz mundai jaǵdailardy óte kóp anyqtadyq. Osyndai jaǵdai Aqtóbe oblysynda da anyqtaldy. «SinOpek Qazaqstan» JShS-nde syiaqy berer kezde shetel azamattary bizdiń azamattarmen salystyrǵanda 1,5-2 esege deiin kóp alyp kelgen. Eńbek inspektsiiasymen birge jumys júrgizip jatqandyqtan, bizdiń qoiǵan talap boiynsha 31 uiǵarym engizip, 60-qa jýyq ákimshilik quqyq buzý isteri qaraldy. Eskertý alǵandar bar. Onyń ústine 34 aiyppul salyndy. Onyń jalpy somasy - 6,5 mln teńge», - dedi Saparbek Nurpeiisov.
