Foto: Polisia.kz
Qostanai oblysynda sheteldikten quny 2 mlrd teńge bolatyn aqbóken múiizderi tárkilendi, – dep habarlaidy "Ult aqparat" Polisia.kz portalyna silteme jasap.
22 jeltoqsanda “Aqbóken” jedel aldyn alý sharasy sheńberinde Ekaterinbýrg – Almaty respýblikalyq avtojolynda, Qostanai qalasynan shyǵa beriste Qostanai oblysy PD uiymdasqan qylmysqa qarsy kúres basqarmasynyń qyzmetkerleri jergilikti politsiia qyzmeti basqarmasynyń qyzmetkerlerimen birlesip, Toyota Alphard avtokóligin toqtatqan. Avtokólikti tekserý barysynda júksalǵyshtan 29 jastaǵy jolaýshyǵa, kórshi el azamatyna tiesili úsh jol sómkesi tabylǵan.
"Sómkelerde aqbóken múiizi túrindegi 916 derivat, 7,5 million teńge somasynda aqshalai qarajat boldy. Boljam boiynsha, quqyq buzýshy memleketke shamamen 2 milliard teńge shyǵyn keltirgen", – dedi Qostanai oblysy PD UQQKB bastyǵy Serik Baigonov.
Kúdikti ýaqytsha ustaý izoliatoryna qamalǵan jáne QR QIJK-niń 128-baby tártibinde qamaýda otyr.
"Osy derek boiynsha politsiia QR QK-niń 339-baby 3-bóligin (Sirek kezdesetin jáne quryp ketý qaýpi tóngen, sondai-aq paidalanýǵa tyiym salynǵan ósimdikter men janýarlar túrlerine, olardyń bólikterine nemese derivattaryna zańsyz qaraý) boiynsha sotqa deiingi tergep-tekserýdi bastady. Barlyq qajetti tergeý sharalary júrgizilip jatyr. Tiisti saraptamalar kesheni taǵaiyndaldy" - delingen habarlamada.
