Májilis depýtattarynyń saýalyna jaýap bergen QR Premer-Ministri Asqar Mamin jaýabynda sheteldik eńbek migranttarynyń Qazaqstannan shyǵarǵan qarajat kólemin atady, dep habarlaidy "Ult aqparat".
«Ulttyq banktiń baǵalaýy boiynsha 2019 jyldyń 1-jartyjyldyǵynda Qazaqstan Respýblikasynyń rezident jeke tulǵalarynyń Ózbekstan Respýblikasyna aýdarymdary 60 mln, Tájikstan Respýblikasyna – 7,4 mln, Ózbekstan Respýblikasynan QR-nyń rezident jeke tulǵalarynyń paidasyna – 17,0 mln, Tájikstan Respýblikasynan – 1 mln AQSh dollaryn qurady. Tólem balansynyń derekteri boiynsha beirezident jeke tulǵalardyń paidasyna rezident jeke tulǵalardyń shetelge aqsha aýdarymdary basym túrde TMD elderine jáne alys sheteldiń jekelegen elderine jiberiledi», - dep atap ótedi Asqar Mamin.
