QR Qarýly Kúshteri Bas shtaby Uiymdastyrý-jumyldyrý jumystary departamentiniń bastyǵy Sáken Júsipov bitimgerlik missiiasyna qatysatyn qyzmetkerdiń áskeri salada kem degende 3 jyldyq tájiribesi bolýy kerektigin málim etti, dep habarlaidy "Ult aqparat".
«Qazaqstan Respýblikasynyń áskeri qyzmetshileriniń bitimgerlik bólimshelerge alynýy erikti túrde júrgiziledi. Ondai áskeri qyzmetshi Qorǵanys ministrliginiń tiisti daiyndyǵynan ótýi kerek. Bitimgerlik missiiasyna tek kelisimshart boiynsha áskerde júrgender alynady. Iaǵni onyń áskeri salada júrgenine kem degende 3 jyl bolýy qajet. Osylaisha, merzimdi áskeri qyzmetke shaqyrylǵan sarbazdar bitimgerlik missiiasyna qatyspaidy», - dedi Ortalyq kommýnikatsiialar qyzmetinde ótken baspasóz máslihatynda Sáken Júsipov.
