Qazaqstan Respýblikasynyń Memlekettik hatshysy Qyrymbek Kósherbaevtyń tóraǵalyǵymen Shetelde kadrlar daiarlaý jónindegi respýblikalyq komissiianyń kezekti otyrysy ótti, dep habarlaidy Aqordanyń resmi saity.
Komissiianyń sheshimimen 2021 jyldyń úshinshi legindegi stipendiia 569 úmitkerge taǵaiyndaldy. Olar magistratýra men doktorantýra baǵyty boiynsha bilim alady, sondai-aq álemniń jetekshi ǵylymi jáne óndiristik ortalyqtarynda taǵylymdamadan (onyń ishinde «Ǵalymdar» sanaty da bar) ótýge jiberiledi.
Osy jyly «Qashyqtan oqytý metodologiiasy men ádistemesi. Pedagogikalyq platformalardy ázirleý», «STEM pánderin oqytý ádistemesi», «Joǵary bilim berýdegi strategiialyq menedjment jáne kóshbasshylyq», «Pedagogikalyq innovatsiialar», «Biologiia, molekýlalyq biologiia, biohimiia», «Virýsologiia. Juqpaly aýrýlar. Epidemiologiia», «Tsifrlyq ekonomika. Sandyq Marketing» jáne t. b. siiaqty mamandyqtar suranysqa ie boldy.
Otyrys qorytyndysy boiynsha Qazaqstan Respýblikasynyń Memlekettik hatshysy Q.Kósherbaev «Bolashaq» halyqaralyq stipendiiasynyń tiimdiligin arttyrý boiynsha birqatar naqty tapsyrmalar berdi.
