Mádeniet jáne sport vitse-ministri Órken Bisaqaev shetelde jemalyp jatqan qazaqstandyqtardy elge qaitarý máselesi sheshilip jatqanyn aitty, dep habarlaidy QazAqparat.
«Búgingi tańda týristik salanyń jaǵdaiy ońai emes. Týroperatorlar Qazaqstan azamattaryn shetelge shyǵýyn shekteýge bailanysty shyǵyndardy kóterýde. Bizdiń esep boiynsha tótenshe jaǵdai boiynsha jalpy somasy 2,7 mlrd teńgeni quraityn 5526 adam saparlardan bas tartýy tiis», - dedi Órken Bisaqaev OKQ-da ótken onlain-formattaǵy baspasóz máslihatynda.
Onyń aitýynsha, qazirgi ýaqytta joldamamen 4556 qazaqstandyq shetelde demalyp jatyr.
«Olardyń negizgi bóligi Mysyrda (2246 adam), Birikken Arab Ámirlikterinde (573 adam), Tailandta (466 adam), Úndistanda (2016), Maldivterde (2044 adam) demalýda. Qazir bizdiń týristerdi elge qaitarý boiynsha sharalar qabyldanyp jatyr. Bul týristerdi ushaqtarmen qamtamasyz etýge bizdiń qazaqstandyq eki áýe kompaniiasy - Eir Astana men Skat kompaniiasy jaýapty», - dedi ol.
Vitse-ministrdiń aitýynsha, Eir Astana Almaty-Sharm ál-Sheih baǵyty boiynsha reisin iske qosýda. Ol reispen 223 adam qaityp keledi.
