Qazaqstandyq sportshy Shavkat Rahmonovtyń UFC-degi alǵashqy jekpe-jegi pandemiiaǵa qatysty ótpeitin boldy. Bul týraly onyń menedjeri Saiat Ábdirahmanov málim etti, dep habarlaidy "Ult aqparat".
«Ókinishke orai, virýsqa bailanysty Londondaǵy jarys AQSh-qa aýystyrylady. Shavkattyń jumys vizasy bolmaǵandyqtan, onyń jekpe-jegi ótkizilmeitin boldy. Bul týraly maǵan bir saǵat buryn habarlady, al Shavkat ony áýejaida bolǵanda estigen», - dep jazdy Instagram-daǵy paraqshasynda Ábdirahmanov.
Eske sala keteiik, UFC-men ótken jyldyń jazynda kelisimshartqa qol qoiǵan alǵashqy qazaqstandyq jekpe-jek sheberiniń birinshi aiqasy 21 naýryz kuni Londonda Fight Night 171 aiasynda ótýi tiis bolǵan. Onyń qarsylasy polshalyq Bartosh Fabinski edi.
