قازاقستاندىق سپورتشى شاۆكات راحمونوۆتىڭ UFC-دەگٸ العاشقى جەكپە-جەگٸ پاندەميياعا قاتىستى ٶتپەيتٸن بولدى. بۇل تۋرالى ونىڭ مەنەدجەرٸ سايات ەبدٸراحمانوۆ مەلٸم ەتتٸ, دەپ حابارلايدى "ۇلت اقپارات".
«ٶكٸنٸشكە وراي, ۆيرۋسقا بايلانىستى لوندونداعى جارىس اقش-قا اۋىستىرىلادى. شاۆكاتتىڭ جۇمىس ۆيزاسى بولماعاندىقتان, ونىڭ جەكپە-جەگٸ ٶتكٸزٸلمەيتٸن بولدى. بۇل تۋرالى ماعان بٸر ساعات بۇرىن حابارلادى, ال شاۆكات ونى ەۋەجايدا بولعاندا ەستٸگەن», - دەپ جازدى Instagram-داعى پاراقشاسىندا ەبدٸراحمانوۆ.
ەسكە سالا كەتەيٸك, UFC-مەن ٶتكەن جىلدىڭ جازىندا كەلٸسٸمشارتقا قول قويعان العاشقى قازاقستاندىق جەكپە-جەك شەبەرٸنٸڭ بٸرٸنشٸ ايقاسى 21 ناۋرىز كۇنٸ لوندوندا Fight Night 171 اياسىندا ٶتۋٸ تيٸس بولعان. ونىڭ قارسىلاسى پولشالىق بارتوش فابينسكي ەدٸ.
