Shymkent qalasynyń eks-ákimi Murat Áitenovtiń aǵasy Marat Áitenovke qatysty sot otyrysy onlain formatta ótip jatyr. Iste Dana Áteshova otbasylyq janjal kezinde burynǵy jubaiyna qarsy dóreki sóz sóilegen dep aiyptalǵan, -dep habarlaidy "Ult Aqparat".
Isti Astananyń ákimshilik quqyq buzýshylyqtar jónindegi mamandandyrylǵan aýdanaralyq soty qarap jatyr.
Sýdia qylmystyq-protsestik kodekstiń 529-babyna sáikes sot qylmystyq teris qylyq boiynsha hattamany oqyp berdi.
Aiyptalýshy óz sózinde burynǵy áieline eshqandai fizikalyq kúsh qoldanbaǵanyn aitty. Saraptamadaǵy kógerý belgilerin Áiteshova óz-ózine jasaǵan bolýy múmkin ekenin aitty.
"Ashýyn basýy úshin jerge qulap, basyn jarmaýy úshin qolymmen qatty ustaǵanym ras. Men ony súiregen joqpyn. Ózi qulaiyn dep jatqanda ustap qalǵanym ras. Al shashynan tartqanym týraly bul jalǵan. Kerisinshe, balalarymnyń anasyna eshqandai teris piǵylym joq. Sebebi bar oiym balalarymdy qaýip-qaterden saqtap qalý boldy", – dedi Marat Áitenov.
Iske qatysty 15 kýáger aiǵaq berýge tartylǵan.
Shymkenttiń eks-ákimniń aǵasy óz otbasy múshelerin úiinen kúshtep shyǵarǵany týraly beinejazba áleýmettik jelilerde taraǵan bolatyn.
Aita keteiik, Marat Áitenov pen Dana Áteshova ekeýiniń de ústinen qylmystyq is qozǵalǵan.
