QR Ekologiia, Geologiia jáne tabiǵi resýrstar ministri Maǵzum Myrzaǵaliev Sharyn shatqalyndaǵy fototuzaqqa túsken sileýsinniń videosymen bólisti, dep habarlaidy "Ult aqparat".
Video ministrdiń Twitter paraqshasynda jariialandy.
«Sizdermen jaqynda «Sharyn» shatqalynda Qyzyl kitapqa engen Túrkistan sileýsini túsip qalǵan fotoqaqpandaǵy videomen bólisip otyrmyn. Bul kadrlardan el tabiǵatynyń bar sulýlyǵyn kórýge bolady. Osy biregeilikti birge saqtaýymyz kerek», - dedi minstr.
Sonymen qatar, ministr búgin Dúniejúzilik jabaiy tabiǵat kúni ekenin atap ótti.
«Búgin - Dúniejúzilik jabaiy tabiǵat kúni. Bul kún búkil álemge tabiǵatty osy alýantúrli kúiinde qorǵaýdyń mańyzdylyǵyn eske salýǵa arnalǵan. Bizdiń elimiz flora men faýnaǵa bai. Qazaqstanda ósimdikterdiń 6000-nan astam, al omyrtqaly janýarlardyń 835 túri bar...», - dedi ministr.
