ShQO-da er adam sharýa qojalyǵynyń 9,3 mln teńgeniń zatyn urlap ketken, dep habarlaidy Ulysmedia.kz.
Polisia.kz-tiń jazýynsha, maýsym aiynyń sońynda Besqaraǵai aýdandyq PB-niń kezekshi bólimine aýdandaǵy sharýa qojalyqtarynyń biriniń 64 jastaǵy basshysynyń ótinishi kelip túsken, ol beton buiymdarynyń urlanǵany týraly habarlady.
Jábirlenýshiniń aitýynsha, belgisiz adamdar 10-25 maýsym aralyǵynda Ernazar aýylynyń mańynda erkin kirýdi paidalanyp, 16 beton irgetasyn, alty baǵan tiregin jáne jeti beton arqalyqty urlap ketken. Keltirilgen shyǵynnyń jalpy somasy shamamen 9,3 mln teńgeni qurady.
Jedel-izdestirý sharalaryn júrgizý kezinde politsiia qyzmetkerleri qylmysqa kúdikti retinde 49 jastaǵy jergilikti turǵyndy anyqtap, ustady. Oǵan qatysty kelýge mindetteý túrindegi protsessýaldyq májbúrleý sharasy tańdaldy.
Atalǵan fakti boiynsha QR QK-niń 188-baby 4-bóligimen sotqa deiingi tergeý amaldary júrgizilýde.
