Mańǵystaý oblysyndaǵy shańdy daýyl kezinde dalaǵa qonýǵa májbúr bolǵan ushaqta júrek talmasy diagnozymen Aqtaýǵa ákele jatqan áiel bolǵan, dep habarlaidy "Ult aqparat".
Oblystyq jedel járdem stantsiiasynyń direktory Ailarbek Shyrshyqbaevtyń málimetinshe, áýe kemesi Beineýden Aqtaýǵa bet alǵan. Ony meditsinalyq kómek kórsetý úshin Aqtaýǵa jetkizý kerek boldy.
«Beineý aýdanynyń 1972 jyly týǵan turǵynyna jedel miokard infarktisi diagnozy qoiylǵan. Bort naýqaspen Aqtaý halyqaralyq áýejaiyna ushyp keldi. Biraq aýa-raiynyń qolaisyzdyǵyna bailanysty olarǵa qonýǵa ruqsat berilmedi», - dedi Ailarbek Shyrshyqbaev.
Stantsiia basshysynyń aitýynsha, ushqysh áýejai mańyndaǵy dalaǵa qonbaq bolǵan. Osylaisha ol áieldiń ómirin saqtap qalǵanyn atap ótti. Naýqas Mańǵystaý oblystyq aýrýhanasyna avtokólikpen jetkizildi. Qazir dárigerler onyń jaǵdaiyn qanaǵattanarlyq dep baǵalap otyr.
26 shildede kýágerler Mańǵystaý oblysyndaǵy shańdy daýyldyń saldarynan ushaqtyń qonǵany týraly video jariialady.
