Almaty oblysynyń ákimi Amandyq Batalov Shamalǵandaǵy kólik apatynan zardap shekken naýqastarǵa Almaty men oblystyń bilikti mamandaryn shaqyrqanyn málim etti, dep habarlaidy QazAqparat.
«Keshegi Aqseńgir - Shamalǵan poiyz ótkelinde bolǵan jol apatynan zardap shekken ana men balalardyń densaýlyǵyna bárimiz alańdaýlymyz. Almaty qalasy men oblystyń myqty mamandaryn shaqyrttyq. 2016 jylǵy balaǵa Qarasai aýdandyq ortalyq aýrýhanasynda bilikti dárigerler operatsiia jasady. Anasy men balalarynyń jaǵdaiynan saǵat saiyn habar alyp otyrmyn. Olarǵa qajetti barlyq meditsinalyq kómekti jumyldyryp jatyrmyz. Qoldan kelgen amaldyń barlyǵyn jasaýdamyz. Qaza bolǵan avtobýs júrgizýshisiniń otbasyna, týǵan-týystaryna qaiǵyryp, kóńil aitamyn», - delingen A.Batalovtyń Instagram-daǵy paraqshasynda.
Esterińizge sala keteiik, 15 qyrkúiek kúni Shamalǵan stansasynda poiyz ben avtobýs soqtyǵysty. Jolaýshylar avtobýsy relske shyǵyp ketken.
Oqiǵa ornynda avtobýs júrgizýshisi mert bolyp, taǵy 3 adam Qarasai aýdandyq aýrýhanasynyń jansaqtaý bólimine jatqyzyldy. Onyń ekeýi bala. Qazir atalǵan fakti boiynsha QR QK 345-babynyń 3-tarmaǵy boiynsha is qozǵalyp, tergeý júrip jatyr. Isti Bas kóliktik prokýratýra baqylaýyna aldy.
