Almaty oblysynyń Shamalǵan stansasynda poiyz ben avtobýstyń soqtyǵysýynan zardap shekken balalar áli de aýyr halde jatyr. Bul týraly almatylyq dárigerler málim etti, dep habarlaidy "Ult aqparat".
3 jáne 5 jastaǵy qyzdar Almatydaǵy «Balalar shuǵyl meditsinalyq járdem ortalyǵy» MKK-ǵa jetkizilgen bolatyn.
«Qazir balalardyń jaǵdaiy óte aýyr. Olar jasandy tynys alý apparatyna qosylǵan. Emdeý sharalary tolyq júzege asyrylyp jatyr», - dedi ortalyq dárigerleri.
Al anasy Almaty qalasyndaǵy №7 aýrýhanada jatyr. Búgin ol jansaqtaý bóliminen bólimshege aýystyryldy.
«Áieldiń birneshe jerinen súiegi synǵan. Miy shaiqalǵan. Jaǵdaiy «ortasha» dep baǵalanyp otyr. Ony qazir otaǵa daiyndap jatyrmyz», - dedi meditsina mamandary.
Oqiǵa 15 qyrkúiek kúni boldy. Keshki saǵat 19:30-da Shamalǵan stansasynda jolaýshylar poiyzy men avtobýs soqtyǵysty.
Avtobýs temirjol ótkeliniń ústinde turǵan. Oqiǵa ornynda avtobýs júrgizýshisi mert boldy. Taǵy 3 adam Qarasai aýdandyq aýrýhanasynyń jansaqtaý bólimine tústi. Olar – anasy men eki qyzy.
Qazir atalǵan fakti boiynsha QR QK 345-babynyń 3-bóligi boiynsha is qozǵalyp, tergeý júrip jatyr. Istiń tergelýin Bas kóliktik prokýratýra óz baqylaýyna aldy.
