Foto: pexels.com
Shahtinsk qalasynan 2 shaqyrym jerde, Lenin atyndaǵy shahta aimaǵyndaǵy jasandy sý qoimasynda 1 maýsymda qaiyqpen ketip oralmaǵan eki er adamdy izdestirý jumystary jalǵasyp jatyr, dep habarlaidy «Ult aqparat» Qaraǵandy oblysynyń TJD baspasóz qyzmetine silteme jasap.
2 maýsym kúni tańerteń qutqarýshylar jaǵadan 500 metr qashyqtyqta bolǵan motorly qaiyqtan 1958 jyly týǵan er adamnyń denesin tapty. 1967 jyly týǵan ekinshi er adamdy izdeý jalǵasyp jatyr. Oqiǵanyń mán-jaiy men ólim sebebi ázirge belgisiz, - dep habarlaidy Qaraǵandy oblysynyń TJD baspasóz qyzmeti.
Izdestirý jumystaryna TJD jeke quramynyń 7 qyzmetkeri men 2 avariialyq-qutqarý tehnikasy, Jedel-qutqarý jasaǵynyń 5 mamany men 2 tehnikasy, 2 sý kóligi jáne 1 kvadrokopteri, Ishki ister bóliminen 10 adam jáne 2 tehnika, 10 erikti men 2 tehnika jabdyǵy jumyldyrylǵan.
Qaraǵandy oblysynyń TJD balyq aýlaý kezinde qaýipsizdik erejelerin saqtaý qajettigin jáne sý quralynda qutqarý jiletin kiiý nemese qutqarý quralyn paidalaný qajettigin eske salady.
