Qaraǵandy oblysynyń ákimi Jeńis Qasymbek jumys saparymen Shahtinsk qalasyna bardy. Aimaq basshysyna shahterler qalasyndaǵy turǵyn úi máselesin sheshý joldary týraly aityldy, dep habarlaidy "Ult aqparat".
Jańa qurylystan bólek, Shahtinsk basshylyǵy 90-shy jyldary bos qalǵan kópqabatty úilerdi qalpyna keltirýdi kózdep otyr. Qalada mundai úsh ǵimarat bar.
«Biz tehnikalyq qorytyndy aldyq, olardy qalpyna keltirýge bolady. Eki úi boiynsha zańdy tazalaý júrgizildi. Sodan keiin kommýnaldyq menshikke rásimdedik. Jobalyq-smetalyq qujattama ázirlendi, ol qazir memlekettik saraptamadan ótýde», - dedi Shahtinsk qalasynyń ákimi Serjan Aimaqov.
Abai dańǵylyndaǵy 9 qabatty bos turǵan taǵy bir úi boiynsha qujattardy resimdeý jalǵasýda. Sodan keiin JSQ ázirlenedi.
Shahtinsk qalasynda turǵyn úi alý kezeginde 1646 adam tur. 46 kópbalaly otbasy baspanaǵa muqtaj. Bos turǵan kópqabatty úilerdi qalpyna keltirý turǵyn úi máselesin sheshýge kómektesedi.
Sonymen qatar, Shahtinsk qalasynda jańa úiler salynady. 2020 jyly 5 qabatty 60 páterli úidi tapsyrý josparlanǵan. Aldaǵy ýaqytta taǵy bir kópqabatty úidiń qurylysy josparlanýda.
Shahtinsk qalasyna jumys sapary barysynda oblys ákimi sondai-aq «Shahtinskteploenergo» JEO-da boldy. Óńir basshysy qalanyń jylytý maýsymyna daiyndyǵyn tekserdi. Stantsiiany jańǵyrtý máselesi talqylandy.
