Aqmola oblysynda shahtada topyraq úiindisiniń astynda qalǵan eki jumysshy qutqaryldy, dep habarlaidy "Ult aqparat" oblystyq TJD baspasóz qyzmetine silteme jasap.
Vedomstvonyń málimetinshe, oqiǵa aqpannyń 04-de Astrahan aýdanyndaǵy «Aina – resýrs» JShS shahtasynda oryn alǵan. Bul týraly saǵat 03:02 Astrahanka aýylynyń 19-ÓSB bailanys pýnktine Aqbeiit aýylynda tótenshe jaǵdaiǵa tap bolǵan adamdardy qutqarý jáne evakýatsiialaý úshin kómek qajet ekendigi týraly habar tústi.
«Qutqarýshylar «TREKOL VEGA» jol talǵamaityn kóligimen shaqyrý ornyna jiberildi. 1991 jáne 1990 jylǵy eki er adam 100 metr tereńdikte aýyr halde boldy, olardy shahtadan basqa kenshiler alyp shyqty jáne qutqarýshylar kelgenge deiin alǵashqy meditsinalyq kómek kórsetti. Meteorologiialyq jaǵdaidyń nasharlyǵyna bailanysty jedel járdem kóligi zardap shekkenderge jete almady. Qutqarýshylar tótenshe jaǵdai ornyna dárigerlermen birge shyǵyp, zardap shekkenderdi aýrýhanaǵa evakýatsiialady», - dedi Astrahan aýdanynyń TJB bastyǵy Aiat Seraliev.
