HHI «Shabyt» halyqaralyq shyǵarmashyl jastar festivaline qatysýǵa ótinimderdi qabyldaý áli bir apta boiy jalǵasady, dep habarlaidy "Ult aqparat" Astana qalasynyń mádeniet jáne sport basqarmasyna silteme jasap.
Atalmysh shara qarashanyń 5-i men 9-y aralyǵynda ótedi. Shyǵarmashylyq básekege qatysam deýshiler materialdardy 30 qazanǵa deiin Astana qalasynyń mádeniet jáne sport basqarmasyna joldaýy kerek, nemese www.shabyt-astana.kz saitynda onlain ótinimdi toltyrady. Úmitkerlerdiń jasy 16-dan 35-ke deiin bolýy shart.
Bir apta boiy jas talanttar qalanyń úzdik alańdarynda óner kórsetedi, atap aitqanda, «Astana» kontsert zalynda, Qazaq ulttyq óner ýniversitetiniń sahnalarynda, «Jastar» teatrynda, Beibitshilik jáne kelisim saraiynda jáne t.b.
Osy kúnge deiin «Shabyt» festivali tek qazaqstandyq qana emes, sonymen qatarsheteldik juldyzdrdyń jolyn ashatyn bedeldi shara ekendigin dáleldedi. Asha Matai, Qairat Baekenov, Tursynbek Qabatov syndy artister, «Melomen» toby jáne basqalary ár jyldary Gran-pri iegerleri atanǵan.
Eske salaiyq, biyl festival basty 5 nominatsiia boiynsha ótedi: «Klassikalyq mýzyka», «Halyq mýzykasy», «Estradalyq vokal», «Horeografiia» jáne «Jýrnalistika». Onyń ústine, olardyń keibiri sektsiialarǵa bólingen.
Mysaly, «Klassikalyq mýzykada» 4 ishki nominatsiia bar. Onyń ishinde – aǵash úrmeli aspaptar (fleita, goboi, klarnet, fogot, saksofon), mys úrmeli aspaptar (valtorna, trýba, trombon, týba), soqpaly aspaptar jáne kameralyq ansambl.
«Halyq mýzykasy» nominatsiiasy boiynsha qatysýshylar «Qobyz», «Prima-qobyz», «Sherter», «Bas-sherter», «Prima-dombyra» siiaqty ishki nominatsiialarda saiysqa túsedi. «Horeografiiada» konkýrs halyq bii baǵytynda bi ujymdary men jeke oryndaýshylar arasynda ótedi.
Dástúr boiynsha óner salalaryn barynsha qamtý maqsatynda festival nominatsiialary jyl saiyn aýysyp otyrady. Sońǵy alty jyldyń ishinde biyl alǵash ret konkýrstyń uiymdastyrý komiteti «Jýrnalistika» nominatsiiasyn qosyp otyr. Sektsiia elordamyzdyń 20 jyldyq mereitoiyna arnalady.
Konkýrsanttar Televidenie: «jańalyqtar siýjetteri», «baǵdarlama siýjetteri jáne derekti filmder», jáne internet-resýrstar sektsiialary boiynsha qatysady. Festivaldiń shartyna sáikes, BAQ-ta ondaǵan jyldar boiy qyzmet etip júrgen bedeldi jýrnalistterden quralǵan qazylar alqasy birinshi týrda qatysýshylardyń daiyn jumystaryn qarap, irikteidi. Ekinshi týrda televidenie qyzmetkerleri hronometrajy 3 minýttan aspaityn telesiýjet, al internet-resýrstarda jumys isteitinder fotoreportaj daiyndaý kerek. Barlyq jumystardyń basty taqyryby Astananyń 20 jyldyǵy jáne elordamyzdyń damýy bolýy kerek.
Ár nominatsiia boiynsha Gran-pri iegerleri men júldeli oryn alǵandar aqshalai syilyqtarmen jáne «Shabyt» festivaliniń diplomdarymen marapattalady. Gran-pri iegerlerine – 350 myń teńge, birinshi oryn alǵandarǵa – 300 myń teńge, ekinshi oryn úshin – 250 myń teńge jáne úshinshi orynǵa – 200 myń teńge beriledi. Budan basqa, árbir sektsiia boiynsha uiymdastyrýshy– elordalyq Mádeniet jáne sport basqarmasy arnaiy syilyqtar men quny 80 myń teńgelik ataýly diplomdar ázirledi. Atap aitqanda, «Jýrnalistika» nominatsiiasynda ataýly syilyq qazaq jazýshysy, jýrnalist Sherahan Murtazany eske alýǵa arnalady.
