Qazgidromet 7 qyrkúiekte aýa raiy qandai bolatynyn boljady.
Sinoptikterdiń málimetinshe, erteń Qazaqstannyń batysy, ońtústik-batysy, soltústik-batysy jáne soltústiginde jańbyr jaýady, naizaǵai oinaidy. Respýblikanyń basqa aimaqtarynda jaýyn-shashyn jaýmaidy.
Respýblikanyń soltústigi men ońtústik-batysynda jel kúsheiedi, soltústik-batysynda tuman bolady.
Mańǵystaý oblysynyń batysy men soltústiginde naizaǵai oinaidy, batysy men ortalyǵynda jel 15-20 m/s deiin kúsheiedi.
Qostanai oblysynyń batysy men soltústik-batysynda naizaǵai oinap, tuman túsedi.
Kúndiz Aqmola, Qyzylorda oblystarynyń soltústik-batysynda naizaǵai oinaidy, Aqmola oblysynda jel 15-20 m/s deiin kúsheiedi.
Kúndiz Almaty oblysynda qatty ystyq bolady.
Almaty, Jambyl, Túrkistan, Qyzylorda, Aqtóbe, Qostanai, Atyraý oblystarynyń basym bóliginde, Batys Qazaqstan oblysynyń shyǵysy men ońtústiginde, Qaraǵandy oblysynyń batys jartysynda, Aqmola oblysynyń ońtústik-batysy men ońtústik-shyǵysynda, Pavlodar oblysynyń ortalyǵynda, Shyǵys Qazaqstan oblysynyń ońtústik-shyǵysynda tótenshe órt qaýpi saqtalady.
Buǵan deiin sinoptikter 7-9 qyrkúiektegi aýa raiyna qatysty boljam jariialaǵan. Soǵan sáikes, bul kúnderi respýblikanyń basym bóliginde aýa raiy jaýyn-shashyndy, soltústikte nóser jańbyr jaýady. Tek ońtústik óńirlerde ǵana kún ashyq bolady.
8-9 qyrkúiekte túnde Qostanai oblysynda, 9 qyrkúiekte Aqmola jáne Soltústik Qazaqstan oblystarynda 2 gradýs úsik júredi.
