Qazaqstanda shetel azamattarynyń sýrrogat ana qyzmetin paidalanýyna shekteý engizilýi múmkin. Tiisti normany Senat maquldady, dep habarlaidy ult.kz.
Ózgerister «Neke (erli-zaiyptylyq) jáne otbasy týraly» kodekske engizilmek. Jańa talapqa sáikes, sýrrogat ana qyzmetine tek Qazaqstan azamattary jáne resmi nekede turǵan erli-zaiyptylar ǵana júgine alady.
Atalǵan túzetý «Qazaqstan Respýblikasynyń memlekettik basqarý jáne jergilikti ózin-ózi basqarý máseleleri boiynsha keibir zańnamalyq aktilerine ózgerister men tolyqtyrýlar engizý týraly» zań jobasy aiasynda qarastyrylǵan.
Qoldanystaǵy zańnamada sýrrogat ana men bala súigisi keletin erli-zaiyptylar arasynda shart jasalatyny kórsetilgenimen, tapsyrys berýshiniń Qazaqstan azamaty bolýy mindettelmegen.
Jańa norma qabyldanǵan jaǵdaida sýrrogat anamen kelisimshart jasaý jáne onyń qyzmetine júginý quqyǵy tek Qazaqstan azamattaryna ǵana beriledi.
Aita keteiik, buǵan deiin elimizde sýrrogat anaǵa qatysty daýly isterdiń biri sotqa jetip, qazaqstandyq erli-zaiyptylar ózderi jumsaǵan qarajatty óndirip alǵan bolatyn.
